واحد شرى بورطابل وبقى تيخرمز فيه ، وهو يطيح في نمرة
ألو رجال الإطفاء في خدمتكم ؟
واهيا ناري ميمتي عتقوا خوكم .. العافية خويا النارالنار شابكة في الدار الله يجازيكم بخير انا ساكن في الشقة كدا في العمارة كدا وبالطابق الخامس بالشارع كدا واسربيوا، سربيوا ،ومانعرف تقدرو تعتقوا شي حاجة أو كلشي مشى الله ياربي الله ... وقطع .
رجال الإطفاء سارعو لعين المكان تيطان تيطان تيطان وصلوا بالخف ، طلقو السلوم في الجهة اللي متواجدة فيها الشقة بالعنوان الي عطاهم ، طلع الأول وحامل في يده حديدة باش يكسر زجاج النافدة يلاه بغا ينزل عليها
صاحب الشقة تيتفرك عليهم فتح باب النافدة
وقال ليهم :
انتما زعما مَنشُفُكُومش إلا إلى كانت شابكة عافية.. كي جاتكم هذه .. ايوا
أسيادنا هذه غي كذبة أبريل،وبقى عليهم كراخ بالضحك هداك بقى مبهوض فيه وقال له :كيفاش ؟
مالها آش فيها نتفلاو معكم شي شوية بشاخ كركلاخ واك واك أعباد الله وامي كرشي
قاليه : وزايدها بالضحك ؟
ممركٌش وقال ليه :اييه تنضحك كركركركر
وهو يجعرو
( بديك الغدايد نزل عليه بالحديد للراس)
وقاليه :
تهجرو.. ونردوها حنا كاميرا خفية كٌاع..
آش ظهر ليك؟نديع.. زوينة تهادي ياك
واحد المراة تنطق حرف (ج) ب( ز)
مشات للسبيطار ديال الحومة.. الطبيب باقي مجاش
فرملية (ممرضة) غليضة دايزة من قدامها وهي تسولها:
الطبيب زا ( جاء )..
وهي تكٌفض على كمامها وقالت ليها :
الطبيبزا هي امك العيفة د العيالات إيوا هاك ، وضسرات هدي..
معلم سول واحد التلميد مكاين منقول ليكم ..اعطيني مثل يعبر عن شيء قبيح .. التلميد كسول ومجمك قال ليه :
شنو هي قبيح استاد ؟
قال ليه بالدارجة هي خايب اعطيني مثل ديال شي حاجة خايبة ..
وهو يقول ليه : لقراية..
قال ليه :
علاش بالضبط القراية.. مخيباش ؟
قال له حيتاش مني تنبغيو نسبو شي واحد تنقولو ليه: وتا سير..شوف كي دايرخايب كي القراية ..
مدير شركة ارسل فاكس لشركة أجنبية تيطلب منهم كاتلوك ديال آلات سبق ليهم شراوهم من عندهم وما توصلوش بيهم،وبالمناسبة كلف واحد باش يمشي عندهم يعلموه كيفاش تتشتغل ديك الآلات وكل ما تيتعلق بها ، بعد أيام مدير الشركة توصل بفاكس من مديرالشركة الأجنبية تيطلب منو يرسل ليه الكاتالوكٌ ديال داك بوراس لأن الفهامة رفضاتو..